مشاهد وتفاصيل يومية من الحلة

.. مشاهدات...ذكريات...مواقف..دعوة مفتوحة للجميع......

نص الحلة ....... موقف البصات .. الدبة...
اقيق... اقيف ....يازول كورك وقف الللالوب .. قسم السيد عوووك .!!!.

. ماشة وين ؟؟ ماشة الاسبتالية ...قلت اطايبو قبل ما يخرجوه

بناتو ما يكشفن حالي!!!

يا حسبو .. اعمل لي نص ســــمّّح ..ما تديني العضام .. عاوزة اعمل منوملاح شرموط (أخدر) للبنّايين .. .حيطتنا وقعت من مطرة البارح والشعفوفة .. والبيت ينقط . اصبحنا لقينا كورة الأولاد قافلة السبلوقة.!!

واحد رافع يدو ..وقف..كارو ..يا الشفيع..وصلنا معاك لنجرو!

عوض سكرة ،،،بخمسمية ..كوم البامية....بخمسمية...الطماطم.

كدي حصل لحمتك قبل حمدان ما يشطب ..وتعاااال!

المركز الصحي .. مالو !! عندو ملاريا؟ ..إنتصار ما جات لسه؟؟ والله مانام الليل كلو! انتي مالك قاعدة ! منتظرة نتيجة الفحص ! دخلوها لمحمود الحكيم.!

مجموعة بنات من حلة طويل... خواجة .تعالن يا بنات.. بيكم شوال القش...ب 100 جنية مودنو لحمدالنيل ود الفكي .. لا! ختنهن ,,بديكن جنيه 200 في الشوال! ..الخ...... كل منكم يدلي بذكرياته.........
منقووول بتصرف!!

**سارية** الخميس أغسطس 26, 2010 3:13 am

صوت الأذان ينبعــث نديّاً
أن حي على الصلاة
حي على الفلاح
واصوات ديوك الحلــة تنبعــث اصواتها متجاوبة مع بعضها البعض
يستيقظ جميع أهلنا الطيبة قلوبهم على هذه الأنغام ويبدأ اليوم منذ تلك اللحظة
لتبدأ (المعافرة)
وتبدأ الأمهات في إعداد الشاي (يا حليل زمن الكانون) الكان بتلم حوله كل ناس البيت
ويلا يا ولد أو يا بت امشي جيبي لينا (لقيمات)
وبعد شوية العواسة عواسة الكسرة والراعي مرق قدموا البهائم
ويبدأ إعداد الفطور
الليلة الفطور عصيدة بملاح شرموط ابيض بهاراته ما تديك الدرب
وملاح الغداء ونومة نصة نهارية
ولســــة.....................

مشاهد وتفاصيل يومية من الحلة

مشاهد وتفاصيل يومية من الحلة

رد: مشاهد وتفاصيل يومية من الحلة