أمثال عامية سودانية

سارية كتب:أي زول متذكــر أي مثل من عاميتنا السودانية إلحقنــا بي

وابدأ بالمثل البقــول:

البلــد المحــن لابد يلولي صغــارن

أبوعبدالرحمن كتب:

سارية كتب:أي زول متذكــر أي مثل من عاميتنا السودانية إلحقنــا بي

وابدأ بالمثل البقــول:

البلــد المحــن لابد يلولي صغــارن

صفحة رائعة .... وهاكم ده:-

تعيس الحظ يلاقي العضمة في الفشفاش

أحمد جعفر كتب:

البيرقص ما بيغطي دقنو

درب السلامة للحول قريب

الخير في الملعون زي الشرة في القندول

الجمرة تحرق الواطيها

بليلة مبشر ولا زبيحة مكشر

سارية كتب:السوّاي ما حــداث

أبوعبدالرحمن كتب:

سارية كتب:السوّاي ما حــداث

مرحب سارية وليك الف تحية،، امثال واقعية وخفيفة
بس ياريت لو أمكن وحصلتي قصة المثل بكون أبلغ
واجمل لاننا بنعرف دايما الامثال وراها قصص شيقة
وطريفة ومعرفة القصة من شأنها أن تعمق وترسخ الفهم
و.. التسوي كريت تلقى في جلدها،،،،

جرجرة كتب:لك التحية الاخت سارية وانت تمطرينا بالامثال السودانية الجميلة التى اندثرت كثيراً ولم يعد يعرفوها اولاد اليومين ديل اولاد البيتزا والاسبيستون والجاتو وابسطت حاجة انا ممكن اصفهم بانهم متبندوين بمعنى انهم لا يمكن التعرف عليهم بشكل واضح لا نعرفهم سواء كانو مدنيين او قرويين
اولاد اليومين ديل الواحد يبادل الكيس معاابوه لا كيس خضار ولا كيس شمار كيس عطرون وحار شاب اليومين دول فكو السكة لبسو ,,,,, وخلو التكة
نسال الله ان ينصلح الحال وتنعدل النعال 0

أبوعبدالرحمن كتب:
ياجرجر انت مكبر روحك مالك!! اولاد الزمن ده ماناسك..

اتنكرت مالك عليهم..ولا نقول اتغيرت؟..والبتبلبل بعوووووم